Շիրակ-2-ն էլ պարտվեց Փյունիկ-2-ին

12.05.2015

Շիրակ-2-ն էլ պարտվեց Փյունիկ-2-ին

Այսօր Հայաստանի Առաջին խմբի առաջնության 25-րդ տուրում «Շիրակ-2» հյուրընկալել էր «Փյունիկ-2»-ին Գյումրու Քաղաքային մարզաաշտում: Տուրը հատկանշական է նրանով, որ սկսած 25-րդ տուրից մինչև առաջնության ավարտ Առաջին խմբում իրավունք չունեն մասնակցել Ակումբի առաջին թիմում հայտավորված ֆուտբոլսիտները:


«Շիրակ-2»-ի ֆուտբոլիստները բավականին անվստահ սկսեցին հանդիպումը: Որպես ապացույց` առաջին խաղակեսում երկու գնդակ ընդունեցին սեփական դարպասը: Նախ հանդիպման 19-րդ րոպեին արդյունքի հասավ փյունիկցի Հովհաննես Փափազյանը: Իսկ հանդիպման 28-րդ րոպեին Գեղամ Թումբարյանը, նկատելով, որ Սոկրատ Հովհաննիսյանը դուրս է եկել դարպասային հրապարակից, մոտ 40մետր հեռավորությունից կատարած հարվածով կրկնապատկեց հաշիվը:


Երկրորդ խաղակեսում «Շիրակ-2»-ի գլխավոր մարզիչ Ֆելիքս Խոջոյանը կատարած փոփոխություններով կարողացավ կարգավորել շիրակցիները խաղը դաշտի կենտրոնական հատվածում: Գրեթե ողջ երկրորդ խաղակեսում «Շիրակ-2»-ը տիրում էր նախաձեռնությանը: Հենց խաղակեսի սկզբնամասում գյումրեցիները կարողացան կրճատել հաշվի տարբերությունը: Նարեկ Գասպարյանի հարվածը «Փյունիկ-2»-ի պաշտպանները անհաջող հեռացրեցին, և գնդակը հայտնվեց Շահե Շահինյանի մոտ: Վերջինս մոտ տարածությունից հանգիստ գնդակն ուղարկեց ցանցի մեջ: Այնուհետև մոտ էին հաշիվը հավասարեցնելու Կառլեն Գևորգյանը և Մարտին Մարտիրոսյանը, բայց երկու դեպքերում էլ վստահ խաղաց «Փյունիկ-2»-ի դարպասապահ Սամվել Հունանյանը: «Շիրակ-2»-ի համար իրավիճակն էլ ավելի բարդացավ, երբ հանդիպման վերջնամասում կոպիտ խաղի համար Արման Ասլանյանը կարմիր քարտի արժանացավ և հեռացվեց խաղադաշտից: Այլևս գոլեր չարձանագրվեցին. հանդիպումն ավարտվեց 1:2 հաշվով հօգուտ «Փյունիկ-2»-ի:

 

«Շիրակ-2»-ի կազմը`

12.Հովհաննիսյան Սոկրատ (1.Ավագյան Հովհաննես 33'), 4.Ռաֆայելյան Ռուդիկ, 5.Սաֆարյան Մհեր (17.Ասբատուրյան Սմբատ 82'), 6.Թադևոսյան Արման (ա), 7.Ասլանյան Արման, 9.Գևորգյան Կառլեն (71.Բիչախչյան Վահան 71'), 10.Կարապետյան Վաչագան (13.Մարտիրոսյան Մարտին 46'), 11.Շահինյան Շահե, 14.Սահակյան Արտավազդ (8.Ավետիսյան Ռաֆիկ 46'), 16.Մակինյան Արամայիս (3.Հովսեփյան Սամվել 87'), 19.Գասպարյան Նարեկ (20.Մակարյան Լևոն 64')


Հանդիպման գոլերը`

9.Փափազյան 19' (0:1), 11.Թումբարյան 28' (0:2), 11.Շահինյան 50' (1:2)


Հաջորդ հանդիպմանը «Շիրակ-2»-ը քաղաք Կապանում կհյուրընկալվի «Գանձասար-Կապան-2» թիմին մայիսի 18-ին: