Նոր մրցաշրջանին նախապատրաստվող Գյումրու «Շիրակը» մեկնել է Վրաստան, որտեղ կանցկացնի ուսումնամարզական հավաք: Ընթացքում մեր թիմը կանցկացնի ստուգողական երկու հանդիպում: Հուլիսի 11-ին Արսեն Հովհաննիսյանի սաները Ծղալտուբո քաղաքում կմրցեն Վրաստանի բարձրագույն լիգան ներկայացնող «Կոլխետիի» հետ, որն ընթացիկ մրցաշրջանում անցկացրած 18 խաղից հետո աղյուսակում վեցերորդն է։ Հուլիսի 14-ին շիրակցիները կմեկնեն Գորի, որտեղ ուժերը կչափեն տեղի «Դիլայի» հետ, որն ընթացիկ մրցաշրջանում անցկացրած 18 խաղից հետո գլխավորում է Վրաստանի առաջնության մրցաշարային աղյուսակը: